कलैया : बारा जिल्ला मा पहिलोपटक आमाको नामबाट अङ्गीकृत नेपाली नागरिकता प्रदान गरिएको छ, जसले नागरिकता वितरण प्रक्रियामा महत्वपूर्ण परिवर्तनको संकेत दिएको छ।
अङ्गीकृत नागरिकता प्राप्त गर्नेमा कलैया उपमहानगरपालिका–५ निवासी कान्ती देवी कुर्मी का छोरा सुरत राउत तथा वडा नं. ४ निवासी चन्द कुमारी क्षेत्री का छोरा सागर सिंह रहेका छन्।
जिल्ला प्रशासन कार्यालय बारा का प्रमुख जिल्ला अधिकारी धर्मेन्द्र कुमार मिश्र का अनुसार नेपाल नागरिकता (दोस्रो संशोधन) ऐन, २०६३ तथा नेपाल नागरिकता नियमावली (चौथो संशोधन), २०६३ बमोजिम उनीहरूलाई आमाको नामबाट नागरिकता प्रदान गरिएको हो।
कानुनी संशोधनपछि आमाको नामबाट पनि नागरिकता लिन सकिने स्पष्ट व्यवस्था भएअनुसार बारामा पहिलोपटक यो प्रक्रिया कार्यान्वयनमा आएको हो।
यस कदमले नागरिकता प्राप्त गर्न समस्या भोगिरहेका नागरिकहरूका लागि सहजता ल्याउने अपेक्षा गरिएको छ। साथै, यसले समावेशी नागरिकता प्रणालीतर्फको महत्वपूर्ण प्रगति रूपमा हेरिएको छ।
