कलैया — प्रतिनिधिसभा सदस्य निर्वाचनअन्तर्गत बारा जिल्लामा जारी मतगणनाले रोचक मोड लिएको छ। पछिल्लो विवरणअनुसार चारै निर्वाचन क्षेत्रमा राष्ट्रिय स्वतन्त्र पार्टी (रास्वपा) का उम्मेदवारहरूले अग्रता कायम गरेका छन्।
कलैया सहित समग्र बारा जिल्लाबाट प्राप्त विवरणअनुसार मतदाताको झुकाव रास्वपातर्फ देखिएको छ।
क्षेत्र नम्बर १:
रास्वपाका गणेश धिमाल १४,६४५ मतसहित अग्रस्थानमा छन्। नेकपा एमालेका अच्युत मैनालीले ४,११९ मत प्राप्त गरेका छन् भने नेपाली कांग्रेसका शम्भु बहादुर बुढाथोकी ३,४५१ मतसहित पछ्याइरहेका छन्।
क्षेत्र नम्बर २:
यस क्षेत्रमा रास्वपाका चन्दन कुमार सिंहले ३,८२२ मत ल्याउँदै अग्रता लिएका छन्। जसपाका रामकिशोर यादवले २,३१२ मत, एमालेका बलबीर चौधरीले १,६२४ मत र नेपाली कांग्रेसका भैयाराम यादवले १,५०९ मत प्राप्त गरेका छन्।
क्षेत्र नम्बर ३:
रास्वपाका अरविन्द साह यहाँ बलियो अवस्थामा देखिएका छन्। उनले २०,००२ मत प्राप्त गरेका छन्। नेपाली कांग्रेसका फरमुल्लाह मंसुर ५,३४७ मतसहित दोस्रो स्थानमा छन्। अन्य प्रतिस्पर्धीहरू पनि उल्लेख्य अन्तरले पछाडि छन्।
क्षेत्र नम्बर ४:
रास्वपाका रहबर अन्सारीले १५,४५४ मत प्राप्त गर्दै अग्रता कायम गरेका छन्। एमालेका किसान श्रेष्ठले ३,७३४ मत र नेपाली कांग्रेसका श्यामबाबु गुप्ताले २,७३७ मत प्राप्त गरेका छन्।
समग्र अवस्था:
बारा जिल्लाभर कुल ११० उम्मेदवार चुनावी मैदानमा छन्, जसमा ६३ जना विभिन्न राजनीतिक दलका र ४७ जना स्वतन्त्र उम्मेदवार छन्। करिब ७० प्रतिशत मत खसेको बताइएको छ।
