काठमाडौँ: निर्वाचन आयोगले मतदाता नामावली सङ्कलन तथा अद्यावधिक कार्यक्रम भोलि आइतबारदेखि पुनः सञ्चालन गर्ने निर्णय गरेको छ। आयोगको यही चैत १८ गतेको बैठकले यस कार्यक्रम पुनः थाल्ने निर्णय गरेको आयोगले जानकारी दिएको छ।
नाम दर्ता गर्ने प्रक्रिया प्रदेश र जिल्ला निर्वाचन कार्यालयमार्फत पनि उपलब्ध हुनेछ। आयोगले मतदाता दर्ताका लागि सबै नागरिकलाई सक्रिय सहभागिताका लागि आग्रह गरेको छ।
