सिमरा — बारामा राष्ट्रिय क्रिकेटर आदिल आलम मोटरसाइकल दुर्घटनामा परेका छन्। शुक्रबार दिउँसो बरियारपुरबाट करिब दुई किलोमिटर पूर्वतर्फ पर्ने थलही पुलमा उनले चलाएको मोटरसाइकल अनियन्त्रित भई दुर्घटनामा परेको हो।
दुर्घटनामा घाइते भएका आलमलाई तत्काल स्थानीयवासीले उद्धार गरी वीरगञ्जस्थित न्यूरो अस्पताल पुर्याएका थिए। हाल उनको उपचार जारी रहेको छ। मधेस प्रदेश क्रिकेट संघका कोषाध्यक्ष सुभाष जयसवालका अनुसार आलमको अवस्था सामान्य रहेको छ।
प्राप्त जानकारीअनुसार मोटरसाइकल पुलबाट तल खसेको थियो, जसका कारण उनी घाइते भएका हुन्। घटनापछि स्थानीयले तत्परताका साथ उद्धार गरेपछि उनलाई समयमै अस्पताल पुर्याउन सकिएको थियो।
घटनाबारे थप विवरण आउन बाँकी रहेको छ भने उनको स्वास्थ्य अवस्थाबारे परिवार र समर्थकहरूले चासो व्यक्त गरिरहेका छन्।
